Montaigne : I, xxxiv 
jeudi 4 juin 2009, 10:00 - ~ Choix : Prose
    En la police œconomique, mon pere avoit cet ordre, que ie sçais louer, mais nullement ensuyvre : c'est qu'oultre le registre des negoces du mesnage où se logent les menus comptes, payements, marchés qui ne requierent la main du notaire, lequel registre un receveur a en charge ; il ordonnoit à celuy de ses gents qui luy servoit à escrire, un papier iournal à inserer toutes les survenances de quelque remarque, et, iour par iour, les memoires de l'histoire de sa maison ; tresplaisante à veoir quand le temps commence à en effacer la souvenance, et trez à propos pour nous oster souvent de peine : « Quand feut entamee telle besongne, quand achevee ; Quels trains y ont passé, combien arresté ; Nos voyages, nos absences, mariages, morts ; La reception des heureuses ou malencontreuses nouvelles ; Changement des serviteurs principaulx ; telles matieres. » Usage ancien, que ie treuve bon à refreschir, chacun en sa chacusniere : et me treuve un sot d'y avoir failly.


« · 18 · 19 · 20 · 21 · 22 · 23 · 24 · 25 · 26 · 27 · » »|