Saint-Gelais : D'un présent de Roses

Mellin de Saint-Gelais – D’un présent de Roses

Ces roses-ci par grande nouveauté
Je vous envoie et en ai bien raison ;
La rose est fleur qui sans comparaison
Sur toutes fleurs a la principauté.

Sur toutes est ainsi votre beauté,
Et comme, en France, à l’arrière-saison
La rose est rose et n’en est pas foison,
Rare est aussi ma grande loyauté.

Doncques vous doit la rose appartenir,
Et le présent et sa signifiance
Mieux que de moi ne vous pouvait venir ;

Car comme au froid elle a fait résistance,
J’ai contre envie aussi su maintenir
Mon bon vouloir, ma foi et ma constance.

Ces rozes cy par grande nouveauté
Je vous envoye et en ay bien raison,
Puis que c’est fleur qui sans comparaison
Sur toutes fleurs tient la principaulté.

Sur les beaultez telle est vostre beaulté,
Et comme en France à la froide saison
La roze est rare et n’en est pas foison,
Rare est aussi ma grande loiaulté.

Si donc vous doibt la roze appartenir,
Aussi le don et la signiffiance
Mieulx que de moy ne vous pouvoit venir,

Car comme au froid elle a faict resistance,
J’ay contre envye aussy sceu maintenir
Mon bon vouloir, ma foy et ma constance.