Guillaume de Machaut 

 
   

Oncques mon cœur ne sentit
            Si dure douleur,
Comm’ quand je me départis
            De ma douce amour.
Mais ce me rendit vigueur
            Qu’elle vis à vis
Me dit par très grand douceur :
            Adieu, doux amis.
 
De ce mot, quand je l’ouïs,
            La douce saveur
Fut empreinte et fit emmi
            Mon cœur son séjour.
Lors ma dame au cointe atour
            Écrit, ce m’est vis,
De sa belle bouche entour :
            Adieu, doux amis.
 
Si ne quiers autre merci
            De mon doux labeur :
Car j’ai cent joies en mi
            Pour une tristeur.
Quand la souveraine fleur
            Du monde et le prix,
Veut que je porte en s’honneur :
            Adieu, doux amis.

 

   

Ballade

Oncques mes cuers ne senti
            Se dure dolour,
Com quant je me departi
            De ma douce amour.
Mais ce me rendi vigour
            Qu’elle vis à vis
Me dist par très grant douçour :
            Adieu, dous amis.
 
De ce mot, quant je l’oy,
            La douce savour
Fut empreinte et fit en mi
            Mon cuer son séjour.
Lors ma dame au cointe atour
            Escript, ce m’est vis,
De sa belle bouche entour :
            Adieu, dous amis.
 
Si ne quier autre mercy
            De mon douz labour :
Car j’ay cent joies en my
            Pour une tristour.
Quand la souveraine flour
            Dou monde et le pris,
Vuet que je porte en s’onnour :
            Adieu, dous amis.