Si enfanter vne immortelle gloire
   Pouuoient mes vers, pour te faire honnorer
   De toutz amantz, & ta grace adorer
   Comme relique enchassée en memoire.
Plus richement qu’en marbre n’en iuoire
   Prirois amour vouloir elabourer
   Ses traitz mignardz & d’or fin decorer,
   Pour engrauer sur les cieux ta victoire.
Mais cette voix, qu’on entend par trop basse,
   A peur d’ourdir vne toille yraigneuse
   Et ennoircir par honte vergongneuse
L’heureux tortiz de la diuine grace,
   Qui couronna ta pudique beauté,
   Pour esblouir mon œil en cruauté.